Temperaturat e larta dhe mungesa e reshjeve veç problemeve që po shkaktojnë me zjarret në zona të ndryshme të vendit, po çojnë drejt një minimumi kuotat në kaskadën e Drinit.
Kjo ka bërë që prodhimi i energjisë elektrike të ulet në minimum, ndërsa liqeni në HEC e Fierzës është në kuotën e 269. 89 metra, ndërkohë që prurjet janë 25 m3/s.
Aktualisht, referuar të dhënave zyrtare, KESH po prodhon vetëm 1600 MWh në ditë për OSHEE, duke mbuluar një pjesë të humbjeve në rrjetin e tranmetimit.
Përmes një sqarimi, KESH ka bërë të ditur se po përmbush plotësisht vetëm detyrimet në kuadër të kontratave prioritare që ka me Operatorin e Sistemit të Transmetimit (furnizimin e energjisë elektrike për mbulimin e humbjeve ne rrjetin e transmetimit, si dhe furnizimin e energjisë se mjaftueshme për balancimin e sistemit) dhe te furnizoje OSHEE sh.a/ FSHU me jo me shume se 1600 MWH/ditë energji elektrike për furnizimin e klientëve tariforë sipas marrëveshjes së dakord mes palëve.
Furnizimi me energji në vend po bëhet përmes importeve të siguruara një javë më parë nga Operatori i Shpërndarjes së Energjisë Elektrike, ku vetëm për muajin gusht janë blerë 434 mijë KWH energji me një vlerë prej rreth 30 milionë euro. /tesheshi.com/
