Autoritetet në Vatikan kanë mbyllur ujin për 100 shatërvanë, përfshirë edhe dy kryeveprat baroke të sheshit të Shën Pjetrit, për shkak të thatësirës së zgjatur që ka prekur shtetin e vogël dhe qytetin e Romës, mes të cilit gjendet.
Nxehtësia mbytëse e verës së këtij viti pason dy vjet me reshje më të pakta se mesatarja në Romë, duke detyruar kryeqytetin italian të mbyllë shatërvanët me ujë të pijshëm dhe të marrë në konsideratë perspektivën e racionimit të ujit.
Më shumë se 1 milion banorët e Romës po përballen me kufizime të ujit të pijshëm deri në 8 orë në ditë për shkak të valës së të nxehtit që po zgjat së tepërmi, dhe që po “shkreton” krejt jugun e Europës.
Zëdhënësi i Vatikanit, Greg Burke tha se kjo është hera e parë që autoritetet në shtëpinë shpirtërore të 1.2 miliardë katolikëve në gjithë botëb, mbajnë mend të jenë detyruar të mbyllin ujin e shatërvanëve. /tesheshi.com/
