Lideri i Partisë Socialdemokrate, Shpend Ahmeti i ka bërë thirrje urgjente Kuvendit të Kosovës për të ndërprerë pushimin e që sipas tij duhet t’i kthehet përgjegjësisë politike.
Ai thotë se nuk ka kohë për pushim dhe se duhet që të me 2/3 e votave në Kuvend të mandatohet ekipi negociues.
“Ndarje, shkëmbime e autonomi janë vetëm disa opsione të cilat po përmenden e diskutohen nga eksponentë të ndryshëm politik në Kosovë, Serbi e gjetiu. Besa edhe miqtë tonë ndërkombëtarë që deri dje kanë folur kategorikisht kundër disa opcioneve, tash po thonë se gjithçka është në tavolinë. E Kuvendi i Kosovës në pushim!!!
S’ka kohë për pushim. Urgjentisht Kuvendi i Kosovës duhet ta ndërpres pushimin dhe ta merr përgjegjësinë politike, ligjore e kushtetuese që ka. Duhet të ndërpritet avantura jolegjitime e Thaçit i cili po diskuton pa mandat, pa autorizim ligjor e pa legjitimitet politik”, shkruan Ahmeti në Facebook .
Kujtojmë se Kuvendi pritet të mblidhet në mes të shtatorit ku e pret një punë tejet e madhe pasi sesionin pranveror ka dështuar të miratojë shumicën e ligjeve. /tesheshi.com/
