Presidenti Thaçi, i cili u bojkotua nga Vetëvendosje, LDK e aleatët dhe Lista Serbe, nuk ka caktuar ndonjë datë për mbajtjen e seancës konstituive të Kuvendit edhe pse bisedoi me përfaqësuesit e koalicionit PDK-AAK-NISMA dhe minoritetet jo serbe.
“Në përputhje me kompetncat e mia, shumë shpejt do të shpallim datën e mbajtjes së seancës konstituive të kuvendit të Kosovës. Kjo do të ndodhë në konsultim me sekretaritin e kuvendit dhe në koordnim me afatet kushtetuese. Seanca do të thirret shumë shpejt”, tha Thaçi, i cili theksoi nevojën e bashkëpunimit ndërmjet subjekteve politike.
Ai ka folur edhe për formimi e qeverisë së re me ç’rast ka lë të nënkuptojë se mandatin do t’ia japë vetëm PAN-it dhe asnjë subjekti tjetër.
“Qeveria e re do të jetë qeveri e stabilitetit, zhvillimit dhe e parimeve euro-atlantike”, ka thënë ai.
Kreu i shtetit ka përmendu disa nga punët kryesore që e presin qeverinë e re.
“Duhet të punohet për zhvillim ekonomik, luftim të korrupsionit, formim të Ushtrisë, liberalizim të vizave, demarkacioni, asociacioni, luftimi i ekstremizmit. Këto janë parimet bazë mbi të cilat duhet të formohet qeveria e re”, ka deklaruar Thaçi. /tesheshi.com/
