Ditën që ishte planifikuar për të vizituar Beogradin, ku ishte ftuar nga një organizatë e shoqërisë civile për të folur mbi dialogun dhe bashkëpunimin, por u ndalua nga qeveria dhe qarqet ekstremiste, Zv.kryeministri dhe njëkohësisht shefi i diplomacisë së Kosovës, Hashim Thaçi, viziton zyrtarisht Turqinë, një vend anëtar i NATO-s me të cilin Kosova ka marrëdhënie të ngushta.
Qarqe qeveritare të Beogradit kërkuan arrestimin e Hashim Thaçit nëse do të vizitonte Serbinë, gjë që bëri të anulohet udhëtimi në Beograd, veprim që u kritikua ashpër nga bashkësia ndërkombëtare, duke e cilësuar si kthim prapa në politikën e konfrontimit. Në ditët e sotme kur të gjithë mediat botërore po flasin për “futje të hundëve” të Rusisë në Ballkan, Thaçi e ka mbushir axhendën me një event politik ku do të jenë present shumë liderë perëndimore, aleate të Turqisë në NATO.
Zv/kryeministri e ministri i Jashtëm i Kosovës, Hashim Thaçi, është nisur drejt Turqisë. “Jam nisur në Turqi në ceremonitë memoriale për Fushatën e Çanakkale, apo Gallipolit siç njihet në botën perëndimore. Do të jenë aty edhe liderët e vendeve që kanë luftuar, nga Princi Charles i Mbretërisë së Bashkuar e Kryeministri i Australisë Tony Abbot e deri tek Presidenti i Turqisë Rexhep Tayyip Erdoğan.
Kam obligim të përkulem para varrezave memoriale se mijëra e mijëra shqiptarë edhe nga Kosova kanë derdhur shumë gjak në këto fushëbetejat e fundit të përgjakshme të Perandorisë Otomane. Me pikëllim do të përkulem eshtrave të tyre. Me pikëllim dhe zemër të thyer do ta kujtoj shekullin e kaluar të errët kur aq shumë prej neve u vranë në luftëra anembanë botës por ne mbetem në robëri.
Zoti i bekoftë ata që dhanë jetë aq larg nënave dhe fëmijëve të tyre. Zoti e bekoftë Kosovën”.
Kështu shktuan Thaçi në Facebook, ku poston edhe fotot e arkivës të shqiptarëve që luftonin në Çanakkale.
/tesheshi/
