Presidenti Thaçi fajësoi edhe ndërkombëtarët në lidhje me mohimin e masakrës së Raçakut nga Beogradi zyrtar.
Duke zgjedhur të vizitojë vendkrimin serb të ’99-ës në kuadër të Ditës së Lirive dhe të Drejtave të Njeriut, denoncuar pikërisht nga një ndërkombëtar, siç ishte Uilliam Uollkerin, Thaçi tha se qëndrimi i Beogradit u faturohet dhe atyre.
“Heshtja e ndërkombëtarëve dhe mosvizita e tyre sidomos këtu në Reçak që e theksoj se është pika kulmuese e masakrave nga shteti serb, e ka hapur gojën dhe e ka amnistuar edhe lidershipin aktual të Serbisë që të pretendojë me krenari të mohojë krimet kundër njerëzimit dhe gjenocidin në Kosove”, tha presidenti i Kosovës.
“Serbia ka kryer në Kosovë rreth 400 masakra kundër civilëve shqiptarë, ka vrarë rreth 1 mijë e 300 fëmijë, ndërsa kanë dhunuar 20 mijë gra, në të njëjtën kohë kemi rreth 13 mijë shqiptarë civilë të vrarë. Ritheksoj Reçaku shënon pikën kulminante të masakrave dhe krimit kundër njerëzimit të kryera nga shteti serb”, deklaroi Thaçi. /tesheshi.com/
