6 tetori do jetë dita kur elektorati kosovar do shkojë drejt kutive të votimit. Kjo pasi presidenti Thaçi e dekretoi më në fundi datën e pritshme, pak orë pasi dekretoi shpërndarjen e Kuvendit.
“Duke u bazuar nё pёrgjegjёsitё kushtetuese dhe ligjore, presidenti Thaçi ka marrё vendim që zgjedhjet e parakohshme për Kuvendin e Republikës sё Kosovës tё mbahen mё 06 tetor 2019”, thuhet në njoftimin zyrtar të Presidencës kosovare.
“Udhëzohet Komisioni Qendror i Zgjedhjeve i Republikës sё Kosovës t’i ndërmerr tё gjitha veprimet e nevojshme për organizimin dhe mbajtjen e zgjedhjeve për Kuvendin e Republikës sё Kosovës, nё përputhje me kёtё vendim dhe legjislacionin nё fuqi”, thuhet nё mё tej nё njoftim.
Zgjedhjet e parakohshme në Kosovë erdhën pas aktit të dorëheqjes së kryeministrit Haradinaj, i cili u thirr nga Specialja në Hagë për të dëshmuar. /tesheshi.com/
