Presidenti i Kosovës Hashim Thaçi shprehu lumuturinë e tij që tashmë është komandant suprem i ushtrisë së Kosovës.
Ai tha këtë në një ceremoni pas vendimit për të ndryshuar mandatin e Forcës së Sigurisë së Kosovës në ushtri të Kosovës, në kazermën “Adem Jashari” në Prishtinë, në praninë e liderëve politikë të Kosovës.
Thaçi e vlerësoi ushtrinë e Kosovës si një “forcë shumetnike, profesionale, e armatosur dhe e autorizuar për shërbim në vend dhe jashtë vendit” dhe si me mision për të “mbrojtur integritetin territorial, qytetarët, pronën dhe interesat e Kosovës”.
Autoritetet e Kosovës e konsideruan votimin për ushtrinë si një akt “dinjiteti dhe krenarie për pavarësinë dhe integritetin territorial të Republikës së Kosovës”. /tesheshi.com/
