Ministri i Jashtëm i Kosovës Hashim Thaçi falënderoi për mbështetjen e Kuvajtit në pranimin e kërkesës së Kosovës për anëtarësim në UNESCO, gjatë një takimi që pati me ambasadorin e Kuvajtit në Tiranë, Najeeb A. Al-Bader.
Thaçi e ka falënderuar ambasadorin Al-Bader për përkrahjen e vazhdueshme që Kuvajti po jep për anëtarësimin e Kosovës në UNESCO. Në këtë takim, palët kanë diskutuar edhe për thellimin e bashkëpunimit në rrafshin ekonomik.
Po ashtu, është diskutuar edhe për marrëveshjen për komitetin e përbashkët të bashkëpunimit dhe marrëveshjen për mbrojtjen e investimeve, që tashmë janë finalizuar si dhe për bashkëpunim ndërshtetëror në bujqësi dhe arsim./tesheshi.com/
