Zv.kryeministri i Kosovës, Hashim Thaçi i është përgjigjur menjëherë insinuatave të Maqedonisë në lidhje me “eksportimin e trazirave. Thaçi tha se Kosova dhe Maqedonia kanë bashkëpunim shembullor, ktë deklaratë ai e bëri . pas takimit me kryetarin e Bashkimit Demokratik për Integrim, Ali Ahmeti.
“Paraditen e kalova me mikun dhe bashkëpunëtorin tim të vjetër, Ali Ahmetin, kryetar i BDI-së dhe lider i shqiptarëve në Maqedoni. Me Aliun ishim bashkë në të gjitha betejat, dikur për të fituar barazinë për shqiptarët, sot për të ndërtuar paqe dhe stabilitet. U pajtuam se dy vendet tona kanë bashkëpunim shembullor, dënuam çdo kërcënim për paqen dhe përsëritëm se Marrëveshja e Ohrit, e garantuar nga bashkësia ndërkombëtare, është korniza më e mirë për shqiptarët në Maqedoni për të realizuar të drejtat e tyre”, thekson Thaçi.
Kryetari i Bashkimit Demokratik për Integrim, Ali Ahmeti, partisë shqiptare të koalicionit qeverisës në Maqedoni, po viziton sot Kosovën.
Ahmeti do pritet në takim pasdite edhe nga kryeministri i Kosovës Isa Mustafa.
Në një seancë të Kuvendit të Kosovës në fillim të prillit, kryeministri Mustafa ka paralajmëruar një takim të përbashkët, të parë, të qeverisë së Republikës së Kosovës me qeverinë e Republikës së Maqedonisë.
“Është përgatitur edhe takimi i përbashkët me qeverinë e Maqedonisë për të arritur marrëveshje për fusha me interes të përbashkët, sidomos ato të sigurisë, në kalimin më të lehtë të kufirit dhe në tregti dhe fushën fiskale”, ka theksuar Mustafa gjatë debatit parlamentar lidhur me punën 100 ditëshe të tij nga zgjedhja kryeministër.
