Presidenti Thaçi ka lëshuar deklaratën e radhës duke ftuar për bashkim kombëtar, një tezë që pason “korrigjimin e kufijve”, që siç e zbërthen ai, do të thotë kalim nga Serbia në Kosovë i Preshevë-Medvegjë-Bujanocit.
“Një nga pengesat që po i bëhen Kosovës është izolimi që po i ndodh Kosovës nga mosuniteti i Bashkimit Evropian. Tash për këtë shtrohet nevoja që të jetojmë në një shtet të përbashkët dhe të ndodh bashkimi kombëtar”, tha Thaçi, gjatë ceremonisë së përurimit të shtatoreve të dy-ish heronjve të UÇK-së.
Për herë të parë, tezën e bashkimin, Thaçi e promovoi para pak ditësh në Has, ku dhe morri titullin “Qytetar Nderi”. /tesheshi.com/
