Ashtu siç kryeministri Rama, edhe presidenti Thaçi po tenton të imponohet si një lider i shqetësuar për zhvillimet europiane, duke e ngritur stekën e fjalimeve një panele ndërkombëtare. Kështu në Kongresin Panevropian në Vjenë, në panelin me presidentë të rajonit, presidenti kosovar tha sse ideja e Evropës së bashkuar është duke u ballafaquar me sfida të brendshme dhe të jashtme. Dhe më pas, ai u përqëndrua tek integrimi rajonal
“Këto diskutime janë një burim frymëzimi për përpjekjet tona, ëndrrat dhe përkushtimin për të qenë plotësisht pjesë e të ardhmes evropiane. Jo vetëm gjeografikisht, por duke ndarë vlerat që përcaktojnë kontinentin tonë”, ka thënë Thaçi, që më pas ka konkluduar me tezën se “pa Ballkanin perëndimor në gjirin e saj, Europa nuk do të jetë e plotë”.
Në fjalimin e tij janë shquar nuancat e një prirjeje për të liderin e vërtetë, idealist e reformator, me vizion perëndimor, ndërkohë që mbetet një ndër figurat më të kërcënuara nga puna e pritshme e “Speciale”-s, e cila ka gati dosjet për ish-krerë të UÇK-së të implikuar në afera kriminale, në kushte lufte apo paqeje. /tesheshi.com/
