Presidenti Thaçi goditi fort ndërkombëtarët duke i akuzuar ata për drejtësi selektive ndaj krimeve të luftës. Sipas tij, mosndëshkimi i serbëve që lyen duart me gjak, ka bërë që Beogradi sot të mohojë masakrat e se djeshmes.
“Ne jemi dëshmitarë se kemi pasur rreth 13 mijë civilë shqiptarë gjatë luftës në Kosovë nga shteti i Serbisë, rreth 20 mijë gra të dhunuara nga aparati i shtetit serb, në shërbim të shtetit që ka kryer spastrim etnik dhe gjenocid në Kosovë.
Rreth 1300 fëmijë shqiptarë të vrarë, mbi 400 masakra të evidentuara kundër popullatës civile, në Likoshan, Prekaz, Izbicë, Mejë, Krushë, Reçak, këto lëshime që kanë ndodhur me ose pa qëllim, nuk dua të prejudikoj, kanë krijuar rrethanë që po rëndojnë arritjen e paqes, bashkëpunimit dhe pajtimi.
Për këto krime nuk ka ndodhur drejtësi as nga drejtësia e UNMIK, EULEX e as nga Tribunali i Hagës. Më tepër janë hetuar viktimat e dënuar sesa ata që kanë kryer spastrim etnik e gjenocid në Kosovë.
Nga ajo që mund të konludojmë është kjo, edhe drejtësia e UNMIK dhe EULEX, ka konstatuar krime nga Serbia në Kosovë, ne nuk duhet të merremi, është 100 për qind amnisti për ata që kanë kryer gjenocid.
Nga kjo heshtje, nga kjo amnisti për gjenocidin e Serbisë në Kosovë, kemi mohimin e masakrave në Kosovë, por edhe me trimëri e krenari e bëjnë këtë”, tha presidenti Thaçi në konferencën vjetore të prokurorëve të shtetit.
Ai përmendi si handikap të ndërkombëtarëve edhe mosliberalizimin e vizave, duke thënë se Kosova i ka plotësuar me kohë krititeret e kërkuara. /tesheshi.com/
