Presidenti i Kosovës Hashim Thaçi ka thënë se nuk do të bashkëpunojë me të Dërguarin Special të BE-së për Dialogun Serbi-Kosovë, Mirosllav Lajçak, pasi ai nuk e njeh pavarësinë e Kosovës.
“Shpresoj për koordinim me Hotin si kryeministër. Unë do ta përmbush rolin tim kushtetues dhe ligjor, por nuk dua të takohem me liderët serbë. Unë e kam bërë të njohur që nuk do të shkoj në Bruksel për bisedime, sepse Lajçak nuk e njeh Kosovën dhe nuk do të flas ku është çështje dialogu mes Prishtinës dhe Beogradit”, tha Thaçi në emisionin T7 Pressing.
Ai shtoi se ish-ministrja e jashtme e BE, Federica Mogherini bëri të ditur se Kosova është një shtet i pavarur dhe nuk i adresoi ata si “Prishtinë”.
“Unë personalisht i thashë Lajçakut se ai do të bëjë një punë të mirë vetëm nëse e njeh Kosovën si një shtet të pavarur dhe sovran. Kosova së pari duhet të marrë liberalizimin e vizave në mënyrë që të rivendosë besimin në institucionet evropiane”, shtoi Thaçi.
Sipas tij, Kurti duhet t’i raportojë kryeministrit të ri për atë që diskutoi gjatë tre muajve të fundit me Lajçak dhe Ministrin e Jashtëm evropian Josep Borrell.
Ai gjithashtu tha se nuk do të luftojë për një mandat të dytë si president i Kosovës.
“Unë nuk kam marrëveshje me askënd, as me Isa Mustafën për ndonjë pozicion. Unë thashë që do ta përfundoja mandatin tim në shkurt. Unë nuk do të jem më president”, tha Thaçi. /tesheshi.com/
