“E kuptojmë që sot BE nuk e ka mendjen tek zgjerimi. Kriza financiare, vala e refugjatëve, BREXIT, janë tema që kanë tërhequr vëmendjen e Brukselit nga Ballkani Perëndimor. Por, vonesa e BE-së dhe e NATO-s që të afrojë afër vetes rajonin e Ballkanit Perëndimor nuk do të lere thjesht një vakum. Ideologji te tjera, nga kontinente tjera, me axhenda te tjera për botën, po përpiqen të depërtojnë në rajonin tonë. Këto mezi presin të mbushin vakumin që do të lere vonesa e BE-së dhe NATO-s” – kështu tha presidenti kosovar, Hashim Thaçi duke folur ne seminarin e 93-të Rose Roth të Asamblesë Parlamentare të NATO-s që po zhvillon punimet treditëshe në Prishtinë.
Por ajo që ka befasuar në fjalimin e tij, ishte paraqitja e një tjetër panorame mbi gjendjen ne veri. Ndërkohë që serbët e veriut janë shndërruar në sfidën më të madhe të Prishtinës zytare e Kosovës si shtet i pavarur, për Thaçin situata është ndryshe
“Ata që dikur qëndronin në barrikada në pjesën veriore të Kosovës e madje sulmonin edhe trupat paqeruajtëse të KFOR-it dhe NATO-s, sot janë pjesë e institucioneve shtetërore të Kosovës, në Parlament, në qeveri, në qeverisje lokale, ku angazhohen për të drejtat e komunitetit të tyre”, shtoi kreu i shtetit kosovar. /tesheshi.com/
