Hashim Thaçi është rikthyer pas disa vitesh në vendin sallën e mbledhjes së qeverisë, konkretisht në karrigen ku për afër tetë vjet mori vendime të ndryshme si kryeministër. Por sot para kabinetit qeveritar foli në cilësinë e presidentit për zhvillimet dhe sfidat e Kosovës përgjatë 10 vjetorit të pavarësisë.
Ndër të tjerash Thaçi bëri tre propozime për të cilat ka uruar që të ketë mirëkuptimin e kabinetit qeveritar.
Propozimet e Thaçit:
Dua të bëjë me mirëkuptimin tuaj tri propozime të cilat shpresoj që të do të marrin përkrahjen e kabinetit qeveritar dhe qytetarëve.
1) Së pari shteti i Kosovës ka nevojë për ndërtimin e kompleksit rezidencial të institucioneve shtetërore si domosdoshmëri e Kosovës dhe zhvillimit të vendit.
2) Vuajtjet tona shekullore dhe përpjekjet tona për liri janë të ngulitura në mendjen e secilit nga ne por kjo nuk mjafton. Kujtesës tonë kolektive historike patjetër i duhet një muze objekt-muze, që unë propozoj ta quaj ‘Muzeu i Pavarësisë’, ku do të ruhen dhe ekspozohen artefaktet materiale të një procesi të gjatë historik që pasqyron vuajtjet dhe përpjekjet për pavarësi.
3) Kryeqyteti i Kosovës, Prishtina ka nevojë për ndërtimin e një obelisku të lirisë si monument i kujtimit dhe nderimit për sakrificën e të gjitha gjeneratave për lirinë dhe pavarësinë e Kosovës.
Dua të vlerësoj se shteti ynë përkundër sfidave do të gjejë mënyrën e duhur për të bërë realitet këto pika të rëndësishme që janë pozitive
Pas këtyre propozimeve të Thaçit, kryeministri Haradinaj, deklaroi se të gjithë këto do të adresohen në mbledhjet e ardhshme të qeverisë. /tesheshi.com/
