Presidenti Thaçi tha se “masakra në Raçak, e kryer saktësisht 21 vjet më parë, është krimi më i madh pas atij në Srebrenicë në Evropën e pasluftës”.
“Më shumë se 40 civilë shqiptarë, të moshës 13 deri 82 vjeç, u ekzekutuan. Ky akt gjenocidi ndezi një revoltë të paparë në skenën kombëtare dhe ndërkombëtare”, tha presidenti i Kosovës në një përkujtim në Raçak.
Sipas tij, pas Raçakut pati spastrim etnik, masakër e gjenocid që nuk mund të fshihet”, pasi “mbi 13 mijë civilë shqiptarë të vrarë, mbi 20 mijë shqiptarë të dhunuar, rreth një milion shqiptarë të dëbuar nga Kosova , u kryen rreth 400 masakra dhe rreth 1.300 fëmijë u vranë me urdhër të shtetit serb “.
Falënderime të Thaçi përcolli për ambasadorin amerikan William Walker, i cili, tha ai, “kurrë nuk na la vetëm, edhe kur zyrtarët ndërkombëtarë nuk na vizituan”.
“Ambasadori Walker mbajti një vetëdije të gjallë ndërkombëtare për masakrën e kryer nga shteti serb në Kosovë,” tha Thaçi.
Ai gjithashtu tha se ishte koha që të gjithë ta tregojnë të vërtetën pa hezituar dhe që “autorët e këtyre krimeve në Kosovë të përballen me drejtësinë”.
Edhe lideri Vetëvendosjes Albin Kurti, tha në Raçak se “masakra tronditi Kosovën, por edhe vetëdijen e bashkësisë ndërkombëtare, e cila çoi në ndërhyrjen ushtarake të NATO-s”.
“Nuk ka drejtësi për familjet për 21 dhe ky mohim i drejtësisë është vazhdim i krimit ndaj qytetarëve tanë, popullit tonë, vendit tonë”, tha Kurti, duke shtuar se “është detyrimi i institucioneve vendase dhe partnerëve ndërkombëtarë që të rrisin presionin ndaj Serbisë. /tesheshi.com/
