Presidenti Thaçi ka folur mbi aktin e tij të paradokohshëm kur vendosi lule mbi një pllakat përkujtimor me viktima serbë. Duke folur me të rinj serbë e kosovarë të Nismës së të Rinjve për të Drejtave të Njeriut, Thaçi u shpreh: “Unë e kam ditur shumë mirë se çka shkruan në ato pllaka, por kam dashur të dërgojë një mesazh se duhet definitivisht të ngadhënjejë drejtësia, dhe kushdo që këto veprime t’i ketë kryer, të ballafaqohet me drejtësinë. Asgjë nuk ka të përbashkët në përpjekjet e popullit të Kosovës për liri me ato veprime individuale apo të grupeve kriminale, kushdo që ti ketë kryer. Kështu që mendoj që ne çdo herë duhet të shprehim keqardhje për çdo viktimë, por duhet të punojmë shumë për një mirëkuptim duhet të punojmë shumë për fqinjësi dhe për pajtim, nuk është se nuk mund të ketë pajtim mes shqiptarëve dhe serbëve, askush nuk mund të thotë që nuk mund të ketë pajtim mes shqiptarëve dhe serbeve, unë besoj që mund të ketë pajtim, dhe besoj që dy popujt tanë do ta bëjnë mesazhin më të mirë në rajon, sepse një gjë e tillë mund të ndodh mes vendeve dhe popujve tanë”, tha Thaçi.
Më tej, ish-njeriu në krye të UÇK-së, sot në krye të shtetit të Kosovës, tha se ndihej mirë që prej vitesh nuk kishte incidente entike në Kosovë. /tesheshi.com/
