Presidenti Thaçi tha gjatë një interviste në Opinion në TV Klan se nuk kishte asnjën arsye pse të qëndronte në një tavolinë me dy homologë që nuke njihnin Kosovën, referuar Vuçiçit e Dodikut. Këta të dy ishin pjesëmarrës në një samit rajonal në Tiranë, që më pas u ftuan nga presidenti Meta në një drekë, në të cilin Thaçi nuk pranoi të ishte prezent.
“Ishte më tepër aspekt teknik, por në të njëjtën kohë vlerësoj se të takohem me presidentët e dy vendeve që nuk e kanë njohur Kosovën është e panevojshme, prandaj që të ishte sa më relaksuese atmosfera, ishte i panevojshëm vazhdimi i debatit. Pastaj është edhe pozicioni armiqësor që Bosnja-Hercegovina, nganjëherë mban një pozicion më të ashpër se Serbia. Bosnja duhet të ndryshojë qëndrimin ndaj Kosovës”, ka thënë Thaçi.
Ndër të tjera, kreu i shtetit ka sqaruar se ideja e korrigjimit të kufijve është vetëm e tij, e që ka në thelb vetëm përfshirjen e Luginës në territori e Kosovës e jo ndonjë shkëmbim territori.
“Është qesharake të mendohet se ideja për përfshirejn e Preshevës, Medvegjës dhe Bujanocit brenda Kosovës të jetë e Vuçiç, apo të jetë e ndokujt tjetër. Të gjitha takimet e mia me liderët e Preshevës, Medvegjës dhe Bujanocit janë të regjistruar. Edhe ata janë në në favor të një korrigjimi. Ideja për korrigjimin e padrejtësive historike është e imja personale, jam angazhuar edhe në Berlin edhe sot në këtë Samit në Tiranë”.
“Të thuhet se Vuçiç është ideator është naivitet . Vuçiç nuk ka prezantuar plan për Kosovën, në idetë e tyre është ndarja e Kosovës. E theksoj se kjo kërkon përfshirjen e Preshevës, Medvegjës dhe Bujanocit. Dallimi në mes shkëmbimit të territoreve që ka qenë ide e liderëve të caktuara shqiptarë dhe idesë sime për korrigjim ka dallim”, tha Thaçi.
Ai u përbetua se nuk do jetë ndarje të Kosoës.
“Askush zyrtarisht nuk e ka hapur diçka të tillë por nuk do të lejoj që të jem në tavolinën ku të diskutohet për ndarje të territorit të Kosovës. Unë jam Komandant Suprem i Forcave të Armatosura të Republikës së Kosovës. Luftë mund të ketë, por cënim të territorit të Kosovës jo. Ndarje jo, as sovranitet të dyfishtë jo dhe as ndonjë pretendim për krijim të Republikës Sprska”, theksoi Thaçi. /tesheshi.com/
