“Prezenca amerikane në Ballkan është qenësore për paqen, zhvillimin dhe integrimin e rajonit”. Kështu tha sot presidenti Thaçi në takimin me kongresmenin Devin Nunes, kryesues i Komitetit të Inteligjencës në Kongresin amerikan dhe George Pappas, këshilltar i lartë në Komitetin e Inteligjencës, të shoqëruar nga Ambasadori Amerikan Delawie.
Thaçi ka falënderuar kongresmenin Nunes për përkrahjen e vazhdueshme të SHBA-së, ndërsa tha se vetëm një dekadë si shtet, Kosova ka arritur suksese të mëdha në ndërtimin e institucioneve demokratike, ekonomisë dhe sundimit të ligjit.
“Nënshkrimi i MSA-së dhe marrja e statusit të vendit kandidat për MCC janë konfirmim i këtyre të arriturave të Kosovës”, u shpreh ai.
Thaçi më tej tha se Kosova është faktor stabiliteti në rajon dhe konfirmoi përkushtimin e Kosovës për paqe dhe stabilitet.
Kurse kongresmeni Nunes u shpreh se SHBA-të mbesin të përkushtuara për paqe dhe stabilitet të qëndrueshëm në rajonin e Evropës Juglindore.
/tesheshi.com/
