Presidenti i Kosovës Hashim Thaçi tha këtë të premte se ai beson që marrëveshja midis Serbisë dhe Kosovës mund të arrihet këtë vit dhe se ajo duhet të jetë e pranueshme dhe e pranuar ndërkombëtarisht.
Ai ishte në panelin e dialogut mes Kosovës dhe Serbisë në Bratislavë – “GLOBSEC 2019”, ku foli dhe presidenti Vuçiç. Ky i fundit, e përqëndroi fjalën e tij te akuzar për “Shqipërinë e Madhe”, duke thënë se Prishtina dhe Tiranë e kanë atë një strategji politike.
Ndërsa Thaçi u përqëndrua te marrëveshja, teksa deklaroi: “Unë besoj se një marrëveshje mund të arrihet këtë vit”.
Thaçi përmendi dhe taksën e cila është bërë “mollë sherri” mes dy vendeve, duke arsyetuar se vendosja e saj ishte e imponuar nga Beogradi.
“Ajo është është për sjelljes agresive të Serbisë”, tha Thaçi, duke iu referuar betejës së Beogradit për të ndaluar anëtarësimin e Kosovës në UNESCO dhe Interpol.
Megjithatë, Thaçi tha se sheh drite shprese, sidomos në Paris, në samitin e pritshëm.
“Unë besoj se ne do të në javët e ardhshme do kemi një mjedis më pozitiv, që do të kapërcejë y pengesat për të vazhduar dialogun. Në samitin e Parisit kemi një mundësi për hapa konkretë në drejtim të finalizimit të së ardhmes”, tha presidenti Thaçi.
“Qëllimi është më i madh se sa pengesat me të cilat përballemi, të cilat nuk janë asgjë më shumë se politika e përditshme”, shtoi ai.
Ai vuri në dukje se më shumë se 70 për qind e qytetarëve të Kosovës dëshiron dialogun. Se për arritjen e një marrëveshjeje ka mendime të ndryshme, porse qëllimi është i njëjtë – për të arritur një marrëveshje të plotë.
“Kjo marrëveshje duhet të mbyllë të gjitha çështjet e hapura dhe që në finale të sigurojë ruajtjen e karakterit multietnik dhe realitetint pa kufij midis vijave etnike, deklaroi ai.
“Kjo marrëveshje duhet të përfundojë me njohje reciproke, tha Thaçi, duke shtuar se ajo do të sillte më shumë paqe dhe stabilitet në të gjithë Ballkanin dhe do të sigurojë një të ardhme evropiane për rajonin”.
“Kjo gjithashtu do të lejojë që Kosova të bëhet anëtare e NATO-s, Kombeve të Bashkuara dhe Bashkimit Evropian”, tha Thaçi.
E sipas tij, në mënyrë që të arrihet një marrëveshje e tillë, nevojitet një bashkim dhe koordinim më i madh ndërmjet Shteteve të Bashkuara, Gjermanisë, Francës, Britanisë së Madhe dhe Italisë. Pra siç shihet, e ka përjashtuar tërësisht Rusinë.
Ndërkohë, kohë më parë ai pati një takim të shkurtër me presidentin Putin në Paris, pas së cilit tha se nga kreu i Kremlinit – siç dihet, aleat i Serbisë dhe me “duart e futura thellë në rajon” – ka marrë mbështetje për arritjen e një marrëveshjeje me Serbinë. /tesheshi.com/
