Presidenti Thaçi ka reaguar edhe ai paksa ashpër ndaj faktit të një vendimi gjysman mbi taksën, ndërmarrë nga kryeministri Albin Kurti, për të cilin nuk pajtohen as SHBA.
“Kokëfortësia, mungesa e veprimeve dhe e vendimeve të mençura, e ka thelluar izolimin e Kosovës dhe ka prishur në mënyrë të ndjeshme raportet tona speciale me SHBA-në. Mbetja në fuqi e tarifës është pengesë serioze dhe e pamundëson bashkëpunimin strategjik dhe investimet e reja të fuqishme amerikane në Kosovë. Prandaj, nevoja që me urgjencë të merren vendimet e duhura ishte kërkesë dhe mesazh kryesor në takim me Sekretarin Pompeo dhe me Këshilltarin për Siguri Nacionale, O’Brien”, shkruan Thaçi, duke lënë të nënkuptuar se zemërimin e tij, ndikuar dhe nga zemërimi amerikan, shkon dhe për Haradinajn.
Tashmë, Thaçi, siç Uashingtoni ku ai ndodhet për një vizitë, kërkon që taksa të hiqet e plotë.
“Edhe kërkesa ime e qartë si president për qeverinë, për spektrin politik dhe mbi të gjitha për qytetarët e Kosovës është që pa humbur kohë të merren vendimet e duhura strategjike, të cilat i japin fund izolimit, i hapin mundësi dialogut për arritjen e marrëveshjes përfundimtare dhe e forcojnë miqësinë e përhershme dhe bashkëpunimin strategjik me SHBA-në. Hezitimi eventual për vendime të shpejta, të mençura, të plota e jo të pjesshme është i panevojshëm, sepse këto vendime janë rruga e vetme për t’i arritur qëllimet tona shtetërore dhe strategjike”, arsyeton Thaçi. /tesheshi.com/
