Presidenti Hashim Thaçi e ka takuar sot Kryetaren e Komisionit Qendror të Zgjedhjeve, Valdete Daka, lidhur me gatishmërinë e këtij institucioni për të organizuar zgjedhje të parakohshme, nëse për këtë do të shfaqet nevoja.
Në komunikatë thuhet se Thaçi do t’i shpallë zgjedhjet e reja pasi të shterohen mundësitë e tjera kushtetuese.
Ai tha se në përputhje me obligimin kushtetues, do t’i shterojë të gjitha mundësitë që në konsultime me partitë politike të përfaqësuara në Kuvendin e Kosovës, derisa të gjendet një përgjigje ndaj siç tha ai “realitetit te ri politik.
“Nëse partitë politike nuk janë në gjendje t’i japin përgjigje këtij realiteti të ri politik në një afat të arsyeshëm kohor, jam i gatshëm t’i shpalli menjëherë zgjedhjet e reja”.
Ai ka shtuar se nga kryetarja Daka është njoftuar se KQZ-ja është e gatshme t’i organizojë zgjedhjet e parakohshme në çdo kohë.
Ai tha se proceset e rëndësishme nëpër të cilat po kalon vendi do të ngecen nëse vendi nuk zgjedh udhëheqës të rinj legjitim. /tesheshi.com/
