“Thërras të gjithë politikanët dhe partitë politike që të kemi një qëndrim të disiplinuar dhe që me një zë të flasim që të arrijmë liberalizimin e vizave për një kohë shumë të shkurtër brenda disa muajve”, ka deklaruar kështu presidenti Thaçi në një konferencë për media, duke theksuar se një mesazh të tillë e ka marrë nga SHBA gjatë qëndrimit disaditor atje
“Kemi marrë mesazh të qartë se nëse ne si institucione të Kosovës nuk do të jemi të bashkuar për këtë temë për liberalizimin e vizave dhe të argumentojmë qartë plotësimin e kritereve, atëherë rrezikohet që i gjithë procesi të shtyhet deri më 2020. Ftoj të gjithë të ngrihemi mbi çdo interes individual, partiak, dhe të bashkëpunojmë rreth kësaj çështje, të mos ketë dallime në takimet e përbashkëta me bashkësinë ndërkombëtare, të gjithë duhet të jemi të unifikuar rreth liberalizimit të vizave”, deklaroi presidenti i Kosovës. Ndërkohë, ai la të kuptuar se nga presidenti Trump ka marrë mbështetje për çështjen e kufijve.
“Për takimin e shkurtët me presidentin Trump, mund të them se presidenti Trump e njeh Kosovën, e ndjejnë dhe e mbështet progresin e Kosovës. SHBA i kanë dhënë mbështetje të plotë një marrëveshje të qëndrueshme, që nënkupton njohje reciproke dhe demarkimin e plotë”, ka thënë Thaçi. /tesheshi.com/
