Presidenti Thaçi pranoi më në fund që t’i përgjigjet komisionit hetimor për dëbimin e gjashtë shtetasve turq nga Kosova, të njohur si gulenistë, ngjarje e ndodhur afro një vit më parë.
Por, qëndrimi i kreut të shtetit ka qenë ai i disa batutave në formë hajgare, edhe me pak fyerje në adresë të anëtarëve të komisionit. Momenti më kulmor ishte ai kur kreu i shtetit i tha deputetit Sami Kurteshi të VV-së se “sa i lezetshëm je”, e ky i fundit ia ktheu: “sa i poshtër je”.
Lëvizja Vetëvendosje tha se presidenti e “bishtnon” temën, duke gjuajtur akuza në drejtim të komisionit hetimor.
Kujtojmë se kur ndodhi ngjarja, në të cilën morrën pjesë dhe forca komando turke, presidenti Thaçi mbajti një qëndrim luajal ndaj Ankarasë, ndërsa Haradinaj u tregua i ashpër duke shkarkuar ministrin e Brendshëm dhe kreun e Inteligjencës. /tesheshi.com/
