Presidenti Hashim Thaçi, nuk ka marrur ftesë nga SHBA për të qenë pjesë në Mëngjesin Kombëtar të Lutjeve më 5 shkurt 2018 në Uashington.
“Jo”, ishte përgjigja e shkurtër e Thaçit kur u pyet nga mediat kosovare.
Në këtë ceremoni nuk do të marrë pjesë as kryeministri Haradinaj pasi i është refuzuar viza nga Amerika, andaj ende nuk dihet se kush do ta përfaqësosojë Kosovën.
Ceremonia e Mëngjesit të Lutjeve drejtohet nga presidenti i SHBA-ve dhe shërben si takim ndërkombëtar, me pjesëmarrjen e personaliteteve të larta nga mbi 130 vende të botës si: senatorë, kongresistë amerikanë, anëtarë të qeverisë amerikane, zyrtarë të lartë të administratës dhe personalitete të ndryshme të botës nga fusha e artit, kulturës dhe shkencës. /tesheshi.com/
