Presidenti Thaçi, nga Kosharja, atje ku Serbia 19 vjet më parë pësoi humbjet më të mëdha në luftën e ’99-tës i është kundërpërgjigjur kërcënimeve të zyrtarëve nga Beogradi për mundësinë e një lufte të re, duke thënë e Kosova do t’i përgjigjet çdo kërcënimi të shtetit fqinj.
“Edhe sot, Kosova dhe rajoni ballafaqohen me sfida derisa Kosova ndonjëherë edhe më kërcënime të drejtpërdrejta nga Beogradi. Përgjigja e shtetit të Kosovës është e qartë, çdo kërcënimi do t’i përgjigjemi, si i jemi përgjgjur më herët, 19 vjet më parë”, tha Thaçi në manifestimin e “Ditët e Shqipes” që mbahet për të kujtuar Betejën e Koshares.
Ndërsa për betejën e 19 vjetëve më parë Thaçi tha se UÇK dëshmoi se kishte hyrë në një fazë më të lartë të rezistencës – përfundimtare për çlirimin dhe pavarësinë e vendit.
“Me kapacitetet njerëzore dhe teknike, UÇK ishte e aftë për tu përballur në luftë frontale. Falë trimërisë së pashembullt të të gjithë luftëtarëve të UÇK-së në Betejën e Koshares u arrit një fitore historike – shembja e gurit që kishte ndarë për një shekull tokat shqiptare”, tha Thaçi, ndërsa kujtoi të heronjtë e rënë, Sali Çekun e Agim Ramadanin dhe të tjerët. /tesheshi.com/
