Presidenti Thaçi përcolli nervozitet por dhe njëfarë rebelimi ndaj Brukselit, teksa e nxorri këtë të fundit si mashtrues për rastin e vizave. Ky reagim vjen një ditë pas Samitit të Berlinit, ku palët dolën të pakënaqura.
“Kriter për vizat ka qenë demarkacioni me Malin e Zi dhe na premtuan se pas kësaj do të hiqeshin vizat. Por fatkeqësisht ky ishte një premtim mashtrues”, u shpreh Thaçi gjatë një konference për shtyp. Goditja tjetëre Thaçit ndaj BE-së, ishte dhe ajo në lidhje me sjelljen ndaj Serbisë
“Ka vite të tëra që BE po hesht ndaj sjelljes armiqësore dhe anti-evropiane të Serbisë ndaj Kosovës. Çuditërisht kjo sjellje nuk e ka penguar Serbinë në perspektivën evropiane. Natyrisht që kjo sjellje ka bërë që të kemi një ngrirje të njohjeve për Kosovën nga pesë vende të BE-së. Marrëdhëniet mes Kosovës dhe Serbisë, si pasojë, vazhdimisht janë të acaruara. Dialogu, përkundër rezultateve të prekshme tani është bllokuar nga Serbia”, deklaroi Thaçi. /tesheshi.com/
