Në sapombërritjen në Hagë për t’u ballafaquar më aktakuzën e Speciales, fjalët e para të presidentit Thaçi qenë: “Askush nuk mund ta rishkruajë historinë. Ky është çmimi për lirinë”.
“Sot jam këtu për të respektuar atë për të cilën kam ëndërruar dhe luftuar – një Kosovë të pavarur bazuar në të drejta të barabarta, shoqëri multi-etnike dhe sundim të ligjit. Jam gati të përballem me sfidën e radhës dhe t’ia dalë me sukses për djalin tim, familjen, njerëzit dhe vendin tim”, theksoi njeriu që duket se është dhe viktimë e një komploti politik në nivel ndërkombëtar.
I gjendur brenda dy javësh dhe jashtë udhëheqjes së procesit të dialogut me Beogradin, Thaçi tha: “Besoj në paqe, të vërtetën, pajtimin dhe drejtësinë. Besoj në dialog dhe marrëdhënie të mira me të gjithë fqinjët”. /tesheshi.com/
