Zv.kryeministri dhe ministri i Jashtëm i Kosovës, Hashim Thaçi është pritur nga Sekretari Amerikan i Shtetit, John Kerry gjatë qëndrimit në Washington.
Sipas fotove që Thaçi ka publikuar, takimi ka qenë joformal. Ky takim sipas të gjitha gjasave mund të jetë vendimtar për të ardhmen politike të Thaçit dhe për atë se a do të jetë në krye të shtetit në 5 vitet e ardhshme apo jo.
“Bashkëbisedim miqësor me Sekretarin e Shtetit Amerikan John Kerry sot në Washington DC! Kosova është e bekuar që ka mbështetjen e SHBA-së në rrugëtimin e saj drejt integrimeve euro-atlantike! Sekretari Kerry tha që do ta vizitojë Kosovën sërish! ”, ka shkruar Thaçi në Facebook. /tesheshi.com/
