Presidenti Thaçi vijon t’i mëshojë fort idesë së tij për korrigjim kufinjsh me Serbinë, gjë që ka trazuar jo pak opinionin në Kosovë, ku një pjesë e përkthen si këmbim territoresh.
“Propozimi im për zgjidhje paqësore me Serbinë është i qartë: jo ndarje në baza etnike, mirëpo për korrigjimin e kufirit dhe njohjen reciproke”, ka shkruar Thaçi në Twitter.
Prej ditësh ai po e promovon fort idenë e tij, duke u përpjekur që të ndajë, sipas tij se ç’është korrigjimi i kufinjve e ç’është këmbimi i territoreve.
E gjithë frika konsiston tek kalimi i Veriut nën Serbi, gjë që deri më tani Thaçi e ka mohuar se mund të ndodhë. /tesheshi.com/
