Presidenti Hashim Thaçi ka udhëtuar për në Britaninë e Madhe ku me një udhë do të kryejë dy punë, njërën për shtet e tjetrën për vete.
Ai, përveç që do të zhvillojë takime me përfaqësues shtetëror në Londër, ku do të takohet me Sekretarin e Shtetit për Punë të Jashtme të Mbretërisë së Bashkuar, Boris Johnson, me të cilin do të flasë për thellimin e marrëdhënieve ndërmjet dy shteteve, do të marrë pjesë edhe në promovimin e librit biografik “New State, Modern Statesman: Hashim Thaçi – A Biography”, me autorë Roger Boyes dhe Suzy Jagger”, njofton kumtesa nga presidenca.
Në këtë promovim, përveç autorëve të librit pritet të marrin pjesë edhe personalitete të jetës politike dhe publike në Britani të Madhe.
Ky libër i cili flet për jetën dhe karrierën politike të Thaçit, tash e disa muaj është vendosur në platformën më të madhe online Amazon dhe mund të blihet edhe nëpër librari të ndryshme në botë. /tesheshi.com/
