Presidenti i Kosovës Hashim Thaçi u takua me Sekretarin e Shtetit të SHBA Mike Pompeo në një vizitë zyrtare në Uashington të mërkurën për të diskutuar dialogun midis Kosovës dhe Serbisë.
Thaçi tha se “një marrëveshje e qëndrueshme e paqes midis Kosovës dhe Serbisë do të nënkuptojë paqe për tërë Evropën Juglindore”, si dhe një zhvendosje drejt së ardhmes dhe zhvillimit dhe prosperitetit,.
Në një takim me Pompeo, Thaçi shprehu mirënjohje për përkrahjen amerikane ndaj Kosovës, duke thënë:
“Ju na keni përkrahur në kohërat më të vështira, si dhe në ditët tona më të mira”.
Thaçi tha se Kosova do të vazhdojë të koordinohet çdo hap me Shtetet e Bashkuara.
“Duke lëvizur me Uashingtonin, ne kemi arritur aspiratat tona,” përfundoi Presidenti i Kosovës.
Thaçi u prit dhe nga Sekretari i MbrojtjesDavid Norquist, duke i thënë atij se është i kënaqur me mbështetjen e SHBA për krijimin e Forcave të Armatosura të Kosovës dhe bëri thirrje për bashkëpunim të shtuar.
“Kosova ka ushtrinë e saj profesionale, sipas standardeve të NATO-s, e cila është e gatshme për misione humanitare dhe paqeruajtëse në të gjithë botën, krah për krah me Shtetet e Bashkuara,” tha Thaci.
Norquist theksoi se është e rëndësishme për sigurinë në Evropën Juglindore që Kosova të bëhet anëtare e NATO-s sa më shpejt që të jetë e mundur, thuhet në deklaratë.
Këto takime të Thaçit u realizuan në të njëjtën kohë kur kryeministri Kurti kërkoi shkarkimin e tij nën pretendimin se ka nënshkruar një marrëveshje sekrete me NATO-n në 2013-ën, por që është ën dëm të Kosovës. /tesheshi.com/
Grateful to USA for overwhelming support to KSF & our path twds. NATO. Thank you @DepSecDef for a fruitful meeting & Pentagon’s commitment for our army, ready to serve alongside our NATO allies. It is vital for the security & stability of the region that Kosovo joins @NATO soon pic.twitter.com/1QOjz8OrYP
— Hashim Thaçi (@HashimThaciRKS) February 26, 2020
