Presidenti Thaçi ndërmorri një sërë takimesh me krerët kryesorë politikë të Kosovës, në një inisiativë për të diskutuar sfidat delikate me të cilat përballet Kosova, ku para ka dhe një vizion ndërkombëtar për t’u përmbushur; atë të një marrëveshjeje përfundimtare me Serbinë, si ndër përfitimet finale pretendohet të ketë njohja e ndërsjelltë.
Thaçiu takua me Isa Mustafën nga LDK, me Ramush Haradinajn nga AAK, si dhe me Kadri Veselin e PDK-së, pasuesin e tij në forcën ai që themeloi dhe e udhëhoqi deri sa u bë president.
Nga këto takime, vlerësoi me status në rrjete vetëm dy; atë me Mustafën dhe me Veselin.
“Takim i shkëlqyeshëm pune me ish-kryeministrin dhe liderin e LDK-së, Isa Mustafa. Ne u pajtuam që të kemi qëndrim të unifikuar në çështjet e interesit nacional. Mirënjohës ndaj Isa Mustafës dhe LDK-së që janë gjithmonë konstruktiv për çështjet e shtetndërtimit”, ka shkruar Thaçi në Twitter.
“Shkëmbim i frytshëm me ish-Kryetarin e Kuvendit të Kosovës dhe liderin aktual të opozitës Kadri Veseli. Qëndrimi i unifikuar mes opozitës dhe pozitës është thelbësor për çështjet e interesit nacional. Falemnderit , Kadri Veseli”, shkroi gjithashtu.
Por ndërkohë, duket se ka ngecur takimi me Kurtin. Ky i fundit, edhe pse ditë më parë i kërkoi Thaçit një takim për unifikim qëndrimesh, për momentin raportohet se nuk i është përgjigjur ftesës ardhur nga Prezidenca. /tesheshi.com/
