Presidenti i Kosovës, Hashim Thaçi, ka bërë të ditur se ka pranuar propozimin nga koalicioni PAN, ndërsa mandatoi Ramush Haradinajn për formimin e qeverisë.
“Sapo pranova propozimin nga koalicioni fitues i zgjedhjeve të 11 qershorit, i cili ka siguruar shumicën e votave në Parlament, për caktimin e mandatarit të ri të Qeverisë së Kosovë.
Duke u bazuar në kompetencat e mia kushtetuese, përmes një dekreti kam caktuar z. Ramush Haradinajn mandatar për formimin e Qeverisë së re të Republikës së Kosovës, i propozuar nga ky koalicion”, thuhet në njoftimin e Thaçit në Facebook.
Kujotojmë se seanca për qeverinë do të mbahet ditën e shtunë, ndërsa nesër do të vendoset për orën. /tesheshi.com/
