Presidenti Thacci i është drejtuar me një letër kolalicionit fitues të zgjedhjeve të fundit – PAN, ku i kërkon një emër të ri për të pasuar Haradinajn e dorëhequr. Letra ka shkuar nominalisht te Kadri Veseli, kryekuvendar, por dhe kryesues në aleancën PAN si kreu i PDK-së.
Aty, edhe me referencë kushtetuese, Thacci sqaron procedurën se si shkohet deri në zgjedhje të parakohshme, nëse emrat e rinj për të drejtuar qeverinë nuk marrin votëbesimin në parlament.
Proceduralisht, pas caktimit të mandatarit për formimin e qeverisë, pas propozimit të partisë politike ose të koalicionit që përbën shumicën e Kuvendit, kandidati i ri për kryeministër jo më vonë se pesëmbëdhjetë ditë pas emërimit, paraqet përbërjen e qeverisë së re para Kuvendit të Kosovës dhe kërkon miratimin nga ana e Kuvendit.
Nëse ajo përbërje e propozuar e Qeverisë nuk merr shumicën e votave të nevojshme, presidenti brenda dhjetë ditësh emëron kandidatin tjetër sipas së njëjtës procedurë. Nëse as herën e dytë nuk zgjidhet qeveria, atëherë presidenti i shpall zgjedhjet që duhet të mbahen jo më vonë se 40 ditë nga dita e shpalljes së tyre. /tesheshi.com/
