Presidenti i Kosovës Hashim Thaçi pretendon se ka “interes të fortë nga njerëz të caktuar” për të penguar procesin e arritjes së një marrëveshje përfundimtare paqeje midis Serbisë dhe Kosovës.
“Më lejoni ta them përsëri, qartë dhe me zë të lartë: Ne po flasim për përfundimin e konfliktit shekullor, përqëndrimin në zhvillimin ekonomik, përmirësimin e jetës së qytetarëve tanë dhe njohjen e njëri-tjetrit. Asgjë më shumë dhe asgjë më pak,” shkroi ai në Tëitter.
Ai shtoi se roli i Shteteve të Bashkuara ishte përsëri i domosdoshëm dhe tha se i Dërguari Special i SHBA për dialogun mes Kosovës dhe Serbisë, Richard Grenell ishte duke bërë një punë të shkëlqyerdhe se ai kishte mbështetjen e plotë të të Dërguarit Special të SHBA për Ballkanin Perëndimor, Matthew Palmer.
Thaçi falënderoi Presidentin amerikan Donald Trump për “punën për paqen në botë”.
Thaçi reagoi pasi Haradinaj sugjeroi mbajtjen e një konference në Prishtinë në Kosovë, ku do të marrin pjesë udhëheqës të partive politike dhe përfaqësues të SHBA dhe Bashkimit Evropian.
Zëvendëskryeministri i Kosovës Avdullah Hoti tha se nuk ishte e nevojshme të zhvillohej një konferencë e tillë.
Haradinaj vlerëson se procesi i dialogut me Serbinë është i kompromentuar, që struktura politike në Kosovë është e ndarë dhe se presidenti është në njërën anë dhe kryeministri nga ana tjetër, i cili, thotë ai, nuk është gjë e mirë. /tesheshi.com/
