Presidenti Thaçi është i treguar i ashpër me faktin se në samitin rajonal të Brdo-Brijunit në Tiranë, qe i pranishëm dhe lideri i serbëve të Bosnjes Milorad Dodik.
“Jam i zhgënjyer që ai është këtu, por është përgjegjësi e vendasve”, tha Thaçi, duke nënëkuptuar presidentin Meta.
Ndërsa ky i fundit sqaroi për këtë rast:
“Samiti ka një format të përcaktuar dhe Dodik ka qenë i ftuar dhe mirëseardhur si president i radhës i Bosnjës. Besoj se ka mbetur i kënaqur, ishte hera e parë që vinte në Tiranë dhe ka premtuar se do të vijë edhe për turizëm, pasi kishte dëgjuar për mikpritjen shqiptare”.
Nga ana tjetër, Thaçi ka vlerësuar taksën ndaj Serbisë, ndërmarrë nga Haradinaj si masë ndëshkuese për politikën e Beogradit.
“Sa i përket dialogut Kosovë-Serbi, tarifa ka qenë vendim i drejtë dhe do të mbetet në fuqi, duhet të vijojë dialogu i pakushtëzuar për një marrëveshje gjithëpërfshirëse që nuk krijon vija etnike të kufijve, që e përshinë Luginën e Preshevës në territorin e Kosovës.
Shpresoj që samiti i Parisit të jetë më mirë i organizuar dhe do të prodhojë më shumë substancë. Pa rolin e SHBA nuk mund të ketë dialog apo marrëveshje”. /tesheshi.com/
