Presidenti i Kosovës, Hashim Thaçi, i ka bërë thirrje kryeministrit shqiptar Edi Rama që të nënshkruajë një marrëveshje ndërshtetërore për heqjen e kufirit dhe doganave midis Kosovës dhe Shqipërisë.
Thaçi tha se Kosova ishte e gatshme për të hequr kufirin, duke thënë se shqiptarët në të dy anët ishin “vëllezër dhe i njëjti komb”.
“Unë konfirmoj në emër të institucioneve të Kosovës që Kosova – sot, jo nesër – është e gatshme të marrë një vendim për heqjen e kufirit, doganave dhe çdo pengesë tjetër në lidhje me Shqipërinë. Nga sot, nuk do të ketë asnjë barrierë midis dy vendeve. Unë i bëj thirrje mikut tim Edi Rama që të marrë një vendim të tillë dhe unë jam i gatshëm ta pres atë”, tha Thaçi në një konferencë për shtyp.
Duke folur për marrëdhëniet me Ramën pas samitit të Tiranës në kuadër të Schengenit rajonal, si dhe komenteve të shumta negative për të, Thaçi tha se e vlerësonte kontributin e “mikut të tij Rama”.
“Ne jemi vëllezër, nuk mund të tradhtoj as interesat e Shqipërisë, as të Kosovës, pasi të dy shtetet tona funksionojnë si shtete normale, me kushtetuta dhe ligje moderne. Unë vlerësoj kontributin e kryeministrit shqiptar Edi Rama….Unë e vlerësoj angazhimin e tij për paqen dhe stabilitetin”. tha Thaçi.
Ndërkohë,ky i fundit ishte “refuzuesi i madh” i takimit të Tiranës, me pretendimin se nuk mund të ulej me Vuçiçin që mohonte Raçakun, por pa dhënë opinione mbi projektin e Schengenit rajonal.
Ndërsa sa i përket heqjes së kufirit, Rama ka sqaruar se është pikërisht ky projekt që heq kufirin, pasi me vendin mes Tiranës dhe Prishtinës kjo nuk është e mundur për shkak të pengesës nga bashkësia ndërkombëtare. /tesheshi.com/
