Presidenti Thaçi, duke luajtur dhe rolin e një kryeministri aktiv të munguar këto kohë në Kosovë (Haradinaj në ikje e Kurti në ardhje), shpalli mos’qënien e Kosovës në të ashtuquajturin “Shengen ballkanik”, ose “Mini-Shengen”, një inisiativë e treshes Vuciç-Rama-Zaev, të cilët u takuan sërish në Ohër, në përpjekje për ta sendërtuar vizionin e tyre të bashkëveprimit rajonal.
“Si President i Republikes së Kosovës, dua të informoj qytetarët se, kam refuzuar pjesëmarrjen time në Samitin e Ohrit. Ky vendim për mospjesëmarrje bazohet në disa argumente ekzistuese”, shpalli Thaçi, duke vijuar më poshtë rë rendisë psetë e kësaj vendimmarrjeje.
“Së pari, Kosova, qëllimshëm ishte anashkaluar nga Serbia në Samitin e Parë të kësaj iniciative të re rajonale.
Së dyti, vizioni i vetëm i Kosovës mbetet anëtarësimi në BE dhe NATO. Prandaj, ne nuk duam që në asnjë rrethanë ta zëvendësojmë perspektivën tonë euroatlantike me çfarëdo iniciative rajonale.
Dhe, së treti, kjo iniciativë rajonale është e pakuptimtë për aq kohë sa Serbia dhe Bosnja dhe Hercegovina nuk e njohin pavarësinë e Kosovës. Kosova është e përkushtuar për fqinjësi të mirë dhe heqjen e pengesave për lirinë e njerëzve dhe mallrave. Por, Kosova nuk mund të jetë pjesë e një Samiti të tillë në të cilin marrin pjesë shtete, të cilat ende nuk e njohin realitetin e Kosovës së pavarur.
Ne jemi të përkushtuar që të tejkalojmë pengesat aktuale nëpërmjet dialogut dhe marrëveshjes për njohje reciproke. Vetëm atëherë kur të ndodhë një gjë e tillë, ne do të bëhemi pjesë e iniciativave të tilla rajonale si shtete të barabarta’, ka shkruar presidenti kosovar”, argumenton Thaçi”. /tesheshi.com/
