Më në fund ka folur edhe presidenti Hashim Thaçi në lidhje me çështjen e murit të ndërtuar nga serbët në veri. Në ndryshim nga kryeministri Isa Mustafa, deklarata e Thaçit ka qenë më e fortë.
Ish kryeministri Thaçi është shprehur se muri është jo ligjor dhe për këtë çështje s’do të diskutohet as me BE-në e as me Serbinë.
“Ndërtimi i murit është joligjor, është në kundërshtim të plotë me të gjitha marrëveshjet e Brukselit. Gjithashtu theksoj fuqishëm se kjo çështje nuk do të negociohet as me Serbinë, e as me BE-në”, deklaroi Thaçi gjatë takimit të Këshillit për Komunitete.
Përmes kësaj deklarate të fortë Thaçi dëshiron t’i përçojë mesazh Mustafës që të veproj sa më shpejt dhe të rrënoj murin, në të kundërtën do të tregojë se është një kryeministër i pafuqishëm.
Deputet të PDK-së nga niveli qendror por edhe ata lokal në Mitrovicë, ditëve të fundit më së shumti po shprehin brengat për mos rrënimin e murit, për çka PDK e Mitrovicës sot në orën 14:00 do të mbajë edhe një konferencë për media lidhur me këtë çështje./tesheshi.com/
