Më 29 prill në Berlin, me gjasë, presidentët Thaçi e Vuçiç do shtrëngojnë duart me njëri-tjetrin në variatin “i dashur armik”, pasi do jenë që të dy në një samit të liderëve organizuar nga aksi franko – gjerman i BE-së, Macron e Merkel.
Gjatë një konference për media, presidenti serb ka pranuar se është ftuar në Berlin së bashku me kryeministren Ana Brnabiç, ku konfirmoi se në këtë takim janë ftuar edhe homologu kosovar i tij, pra Thaçi, si Haradinaj. Homologu i kryeministres serbe.
Ndërkohë, edhe nga Zyra e Thaçit është përcjellë i njëjti konfirmim.
“Po, presidenti Thaçi ka marrë ftesë nga kancelarja Merkel dhe presidenti Macron për të marrë pjesë në samitin që mbahet në Berlin”, u tha nga kabineti i presidentit kosovar.
Që nga ngrirja e dialogut, ku shkak është bërë taksa doganore mbi mallrat serbë, ky është i pari takim mes Thaçit dhe Vuçiçit. /tesheshi.com/
