Konstituimin e institucioneve, pas zgjedhjeve të fundit parlamentare, presidenti Thaçi e vlerëson një arritje demokratike.
Gjatë një takimi që zhvilloi me kryekuvendarin Veseli, Thaçi foli edhe për sfidat që e presin vendin, ndërsa garantoi bashkëpunim dhe koordinim të agjendave me rëndësi kombëtare mes Presidencës, Kuvendit, Qeverisë dhe partive opozitare.
“Ishte mendim i përbashkët se Kosovën e presin punë dhe sfida të mëdha në çuarjen përpara të axhendës së zhvillimit ekonomik dhe të integrimit në institucionet euroatlantike”, tha Thaçi.
Kurse kryekuvendari Kadri Veseli, shprehu vendosmërinë për të punuar në drejtim të thellimit të reformave demokratike, në avancimin e legjislacionit në përputhje me interesat e Kosovës dhe në thellimin e bashkëpunimit të subjekteve parlamentare. /tesheshi.com/
