Partia Demokratike e Kosovës (PDK) dhe Lëvizja Vetëvendosje aktualisht janë dy partitë më kundërshtare në skenën politike kosovare.
Sidomos në vitet e fundit përfaqësues të këtyre subjekteve kanë hedhur akuza të rënda në drejtim të njëra-tjetrës, duke mos kursyer fjalor të rëndë si kriminel, hajna etj.
Padyshim se Albin Kurti sot është kundërshtari më i madh politik i Hashim Thaçit e Kadri Veselit dhe jo vetëm.
Kurti është njeriu i vetëm që pa frikë ia thotë në sy atë çfarë mendon krerëve të PDK-së, gjë të cilën e ka bërë në vazhdimësi në vitet e fundit.
Kurti përveç që njihet një ndër politikanët më të dijshëm po ashtu mban edhe epitetin si politikani më i thjeshtë në vend.
Mençuria por edhe thjeshtësia kanë bërë që Kurti të gjejë një përkrahje tejet të madhe nga populli i Kosovës dhe më gjerë.
Është aq politikan i thjeshtë sa që nuk parapëlqen të vesh kostume me kravatë në takimet që zhvillon në vend, siç bëjnë politikanët e partive të tjera.
Kurti deklaroi kohë më parë se kravatën mund ta vesh vetëm në ndonjë takim tejet special siç bëri në takimet që zhvilloi kohë më parë në Amerikë, por nuk preferon një veshje të tillë ta ketë për trupi çdo ditë.
“Kravata dhe fraku kishin kuptimin e njeriut të dijshëm, intelektual e dinjitoz. Sot kjo veshje është kthyer në një uniformitet, veshje përjashtuese dhe formë shtypjeje”. Kështu deklaroi në vitin 2011 Albin Kurti atë kohë lider i Lëvizjes Vetëvendosje.
Veseli e Thaçi pa kravatë në takim me Nulandin
Koha po ecën dhe thjeshtësia po hynë në mode edhe tek politikanët tjerë në vend për të cilët kravata është pothuajse e pandashme.
Albin Kurti duhet të jetë tejet i lumtur se dalëngadalë po i bën kundërshtarët e tij politik të rreshtohen krahë tij.
Dy rivalët më të mëdhenj të Albin Kurtit, kryetari aktual i PDK-së Kadri Veseli dhe ish kreu i kësaj partie Hashim Thaçi së fundmi kanë nisur të kopjojnë ish liderin e VV-së.
As presidenti Thaçi e as kryekuvendari Veseli gjatë takimeve që zhvilluan të dielën më zyrtaren amerikane Viktoria Nuland nuk veshën kostume me kravatë.
Të dy shokët Veseli e Thaçi kishin të veshur këmisha të bardha derisa përmbi to mungonte kravata që zakonisht këta liderë e vënë.
Edhe Kuçi e Hoxhaj pa kravatë
Siç duket shokët e PDK-së ishin dakorduar para takimit me Nuland që asnjë prej tyre të mos veshin kravatë dhe të duken sa më thjeshtë para opinionit.
Kravata nuk kanë veshur as zv.kryeministri Hajredin Kuçi njëherit ministër i Drejtësisë dhe ministri i Jashtëm Enver Hoxhaj.
Kështu padyshim mund të thuhet se PDK po e kopjojnë Vetëvendosje-n sa i përket kravatës. Pra të paktën PDK dhe VV kanë nisur të dakordohen në një pikë.
Isa Mustafa me kravatë në takim me Nulandin
Për dallim nga presidenti Thaçi dhe kryekuvendari Veseli, kryeministri Isa Mustafa në takimin me Nuland mbante të veshur edhe kravatën.
Pra, padyshim se mos vendosja e kravatës nga drejtuesit e PDK-së në takim me Nuland është një risi në vete, pasi mesazhet e zyrtares amerikane Nuland për krerët e shtetit të Kosovës diheshin pa nisur takimi që u vërtetuan më pas, mesazh për ratifikimin e Demarkacionn, themelimin e Asociacionit të Komunave me shumicë serbe si kërkesa për të luftuar krimin e korrupsionit./tesheshi.com/
