Numri dy në Qeverinë e Kosovës Hashim Thaçi përmes një postimi në FB, ka dënuar sulmin e aktivistëve të Vetëvendosjes të cilët kishin sulmuar pronën e kryeministrit Mustafa. Po ashtu,ministri Thaçi ka thënë së disa në Kosovë dëshira për pushtet nuk po i lejon t’i shohin dhe t’i njohin arritjet e Kosovës.
“Kosova po vazhdon të dëshmohet anëtare përgjegjëse e bashkësisë ndërkombëtare dhe në të gjitha sfidat me të cilat është përballur këtë verë, ka dalë fitimtare. Edhe marrëveshjet e fundit janë në përputhje të plotë me interesat e Kosovës, me Kushtetutën dhe ligjet e Kosovës”, ka theksuar Thaçi.
Më tej ai ka thënë se Kosova është bërë shembull për rajonin e më gjerë, për vendosmërinë për t’u kthyer nga e ardhmja më e mirë për fëmijët tanë, por pa harruar të kaluarën dhe nevojën për Drejtësi.
“Është për keqardhje që disa në Kosovë dëshira për pushtet nuk po i lejon t’i shohin dhe t’i njohin të arriturat e Kosovës. Për më tepër, kjo dëshirë frustuese për pushtet po i shtyn në vepra të papranueshme dhe te shëmtuara për një shoqëri demokratike çfarë kemi ndërtuar në Kosovë.
Shqetësimi dhe cenimi i integritetit dhe pronës që i është shkaktuar familjes së kryeministrit Mustafa është i papranueshëm, përbën shkelje të rëndë të të drejtave të njeriut dhe është në kundërshtim me traditën tonë. Shoqëria jonë i dënon dhe nuk i pranon këto vepra”, shkruan Thaçi në profilin e tij në FB./tesheshi.com/
