Presidenti Thaçi ka dekoruar sot senatorin amerikan John McCain me titullin “Urdhër i Lirisë”.
Gjatë ndarjes së çmimit Thaçi i është drejtuar me disa fjalë mirënjohëse senatorit amerikan, duke i thënë se tërë jeta e tij ka qenë një përpjekje për liri.
“I nderuar senator. është për mua kënaqësi që të ndaj çmimin “Urdhër i Lirisë”. E tërë jeta juaj është një përpjekje për liri. Ju u bëtë zëri ynë kur ne nuk kishim zë. Ju me punën dhe angazhimin tuaj dëshmuat se liria është e drejtë fundamentale për secilin individ dhe komb. I nderuar senator, për kontributin për liri dhe pavarësi si dhe partneritetin e Kosovës me SHBA-në iu dekoroj me urdhërin e lirisë. Zoti ju bekoftë ju dhe familjen. Zoti e bekoftë miqësinë me SHBA-në”, deklaroi Thaçi.
Senatori McCain po kryen një tur vizitash në Ballkan. Ai ishte ne Serbi, vazhdoi për në Kosovë dhe pritet të mbërrijë në Shqipëri, ndërkohë që refuzoi të shkojë në Maqedoni. Ky tur i zyrtarit të lartë amerikan ka si mesazh mbështetjen dhe vëmendjen amerikane ndaj Ballkanit, në një kohë që Rusia po tenton të shtrijë ndikimin e saj në rajon. /tesheshi.com/
