“Takimi i Uashingtonit dy ditë më parë në mes presidentëve të dy vendeve, besoj se do të jetë moment i kthesës kritike dhe pozitive”, deklaroi presidenti Thaçi, referuar dorështrëngimit të tij me homologun Vuçiç në uashington pak ditë më parë, me ndërmjetësinë e të dërguarit Grenell.
Duke folur në dialogun publik “Rruga drejt Komisionit për të Vërtetën dhe Pajtimin në Kosovë”, Thaçi tha se “takimi në Uashington është inkurajues për të dy palët, i vullnetit të mirë për Kosovën dhe Serbinë dhe hapjen e perspektivës euroatlantike të Ballkanit Perëndimor”.
“Këtë momentum dhe këtë mundësi nga Uashingtoni duhet ta shfrytëzojmë edhe Kosova edhe Serbia. Dëshiroj të theksoj se është e rëndësisë jetike për procesin e arritjes së marrëveshjes përfundimtare që edhe Kosova edhe Serbia kanë besim në lidershipin e SHBA-së se përmes tyre mund të arrihet marrëveshja përfundimtare”, theksoi kreu i shtetit të Kosovës. /tesheshi.com/
