Presidenti Hashim Thaçi ka zhvilluar një bisedë telefonike me ndihmë-sekretarin amerikan, Wess Mitchell, me të cilin thotë se është dakorduar që të intensifikohen përpjekjet drejt arritjes së një marrëveshje finale me Serbinë.
“Një marrëveshje, e cila i hap rrugë njohjes reciproke dhe perspektivës së qartë të Kosovës për anëtarësim në NATO, BE, OKB dhe organizata të tjera ndërkombëtare. Ndihmës-Sekretari Mitchell u zotua se Kosova do ta ketë mbështetjen e palëkundur të SHBA-së në këtë proces. Përfshirja e SHBA-së dhe partnerëve tjerë strategjikë të Kosovës në fazën e fundit të dialogut, të lehtësuar nga BE-ja, është një garanci për suksesin e plotë dhe arritjen e një marrëveshjeje historike. Miqësia dhe besimi në SHBA-në do të jetë i përjetshëm”, shkruan Thaçi në Facebook.
Vlen të ceket se ai këtë postim nuk e thotë asnjë fjalë për çështjen e korrigjimit të kufirit, siç ka bërë vazhdimisht ditëve të fundit ku mbronte fuqishëm idenë e tij.
Për këtë çështje Thaçi sot zhvilloi në mëngjes një takim me kryeministrin RamushHaradinaj, kryekuvendarin Kadri Veseli dhe zv.kryeministat, Fatmir Limaj, Behgjet Pacolli e DardanGashi dhe një të tillë do e zhvillojnë edhe gjatë ditës.
Pas takimit të mëngjesit Haradinaj deklaroi se janë dakorduar që në Bruksel të mos flitet për tërsinë territorial të vendit. /tesheshi.com/
