Presidenti Thaçi i kujtoi sërish kreut të Vetëvendosjes Albin Kurti, se duhet që më shpejt të formojë qeverinë, përndryshe, aludon kreu i shtetit të Kosovës, do gjendet tjetër zgjidhje për formimin e një qeverie të re.
“Ajo që duhet të ndodh është respektimi i plotë i vullnetit të qytetarëve të Kosovës të shprehur me 6 tetor, ku kemi partinë e parë dhe partitë vijuese, të cilat duhet t’i japin zgjidhje këtij procesi në mënyrë që të implementohet vullneti qytetarë”, tha Thaçi, duke paralajmëruar zgjidhje të tjera, të cilat do e përjashtonin Kurtin si faktorin bazë për formimin e qeverisë.
“Kosova edhe gjatë nuk do të pres, nuk do të jetë e bllokuar, por e theksoi edhe një herë do të shikojmë të gjitha mundësitë e variacioneve politike.
Vullneti i popullit të Kosovës është më i madh se çdo lider dhe vullneti për të lëvizur më shpejt është më i madh sesa për të mbajtur peng një popull”, theksoi Thaçi.
Nsërkohë në horizont, nuk duket asnjë shenjë e ndonjë marrëveshejeje të mundshme mes VV-së dhe LDK-së. /tesheshi.com/
