Fredi Beleri, edhe njëherë ka dhënë provën se në synimin e tij për Himarën nuk ka ndonjë prirje menaxheriale, por tërësisht me theks nacional.
Në një postim të tij në rrjete sociale, bie në sy një frazë e tij e cila ngjan me teza serbe kur është fjala për veriun e Kosovës, ku pretendohet për persekutim entik, formë e njohur e strategjisë historike të Beogradit për vetëviktimizim.
“Qëllimi ynë është, gjithashtu, të jetojmë në një shtet demokratik ku nuk ka dallime për përkatësinë etnike të shtetasve të vet dhe të ndalojnë politikat e shantazhimit të popullsisë”, thuhet nga Beleri(pse ku dhe kur ka patur dallime dhe cilat qenkan ato politika shantazhuese?!).
Në mesazh, Beleri shkruan:
“Falënderoj nga zemra profesorin, deputetin e Demokracisë së Re dhe mikun tim të ngushtë, z. Angelos Syrigos, i cili më vizitoi në burgun e Tiranës, i dërguar i Kryeministrit Grek, z. Kyriakos Mitsotakis.
Nga z. Angelos Syrigos kërkova që t’i transmetojë Kryministrit të Greqisë vendimin tim, i cili është kërkesë e të gjithë popullit të Himarës, për të marrë menjëherë detyrën si Kryetar i Bashkisë për të ndaluar grabitjen e pronave të komunitetit grek.
Përgatitën një ligj që supozohet se kishte për qëllim zhvillimin e zonës duke tërhequr kapitale të huaja. Deri më sot as edhe një i huaj nuk ka investuar në zonën tonë. Të gjithë ata që janë shpallur investitorë strategjikë janë që të gjithë shqiptarë me lidhje me pushtetin.
Qëllimi ynë është, gjithashtu, të jetojmë në një shtet demokratik ku nuk ka dallime për përkatësinë etnike të shtetasve të vet dhe të ndalojnë politikat e shantazhimit të popullsisë.
- Syrigos i thashë se pres tre gjëra:
– të betohem menjëherë si kryetar i bashkisë, populli i së cilës më zgjodhi.
– të lirohem nga burgu, në mënyrë që të mundem të ushtrojë detyrën time si kryetar bashkie.
– të rrëzohet akuza e padrejtë, qesharake, tendecioze dhe e pabazë që është ngritur ndaj meje.
Në personin e kryeministrit grek falënderojmë Greqinë që lufton krah nesh për të siguruar të drejtat tona njerëzore”.
Gjithashtu, nga Beleri theksohet dhe përcaktori “komunitet grek” për banorët e Himarës(qytet e jo Bashki), rasti i paprecedent kur një minoritet i pretenduar nuk është në kufi me vendin nga i cili beson se rrjedh. Nërkohë, nën zë, minoritarët në kufi me Greqinë në Gjirokastër e Sarandë mohojnë që në Himarë të ketë minoritet grek. Po, ka filogrekë, siç Beleri. /tesheshi.com/
